CARABELA é o proxecto de tres amigas que medraron rodeadas de música. Desa intención por seguir medrando musicalmente, Alba Vázquez, Pablo Agra e Ana Moas, uníanse en 2021 para darlle forma a este novo proxecto e comezar a trazar as liñas do seu primeiro EP.
Despois da súa primeira aparición en escena co sinxelo “Catro pesos”, a formación noiesa debuta no 2023 con "Nó", un EP completamente autoproducido, mezclado e masterizado de catro temas, nos que dan unha nova volta ao timón da cada vez máis natural confluencia entre as correntes do pop, a electrónica e a música tradicional.
Unha ópera prima no que as melodías que parten do fascinante rexistro vocal de Ana Moas surcan entre as arriscadas ondas sonoras que abrollan dos teclados de Alba Vázquez e da guitarra e programacións de Pablo Agra. Unha proposta musical coas coordenadas ben enraizadas en terra firme pero coa brúxula orientada ás rompentes da vangarda, cunha vocación contemporaneizadora da nosa música que enfía no ético e no estético con compañeiras de xeración coma Fillas de Cassandra, Mondra, Mai, Baiuca, Catuxa Salom, Toma de Terra ou as propias Tanxugueiras.
ESCOITAR AGORA