COÑECE A

NOSA EQUIPA

Ana Díez

Graduada en Ciencia Política e da Administración con especialización en prensa de gabinete e comunicación corporativa pola Universidade Metropolitana de Praga. Certificada en dinamización de comunidades en liña pola UNED e especializada en xestión cultural pola Universitat Oberta de Catalunya e a USC.

Traballadora por conta propia desde 2016, desenvolveu servizos de xestión cultural especializados en comunicación, produción e execución de proxectos para entidades como a Academia Galega do Audiovisual, AI Song Contest, Agadic-Axencia Galega das Industrias Culturais, Camiño Escena Norte, Cidadanía S.Coop Galega, Compostela Ilustrada, Festival FIC Vía XIV, Consello da Cultura Galega, Culturgal, Curtocircuito International Film Festival, En Negro Contra as Violencias, Fundación Eugenio Granell, Mercartes, O Globo - Solidariedade Internacional de Galicia, Premios María Luz Morales, Silabario Gastronomía ou Uqui.net, entre outros. Encargouse da dirección de produción de pezas de danza de gran formato como "Berro" (dirixida por Sharon Fridman) ou "Dique" (de Marta Pazos) para Nova Galega de Danza, a segunda delas en coprodución coa Xunta de Galicia a través do Centro Coreográfico Galego. Ademais, colaborou en múltiples proxectos relacionados coa economía social, coordinando a comunicación e a implementación de plans de actuación.

Actualmente é responsable de comunicación e relación con medios para Escena Galega e o Festival Feito a Man. Suma forzas traballando en rede dentro de A SEARA.

Sara García

Graduada en Ciencias da Cultura e Difusión Cultural pola Universidade de Santiago de Compostela, desempeña o seu traballo no ámbito da xestión cultural e a comunicación. A súa traxectoria profesional vinculouse nun primeiro momento á divulgación e crítica cultural en diversos medios de comunicación (O Salto, Nós Diario, Balea Cultural, etc.). Posteriormente, decidiu adentrarse no sector das industrias culturais e creativas como xestora cultural autónoma.

Actualmente traballa como profesional freelance no desenvolvemento de proxectos culturais. As súas contribucións abarcan desde a distribución e promoción de espectáculos artísticos ata o comisariado e deseño de programacións, colaborando así cunha ampla variedade de iniciativas. Destacan entre elas o festival WOS, premiado como mellor festival indoor de Europa en 2019, así como a súa colaboración coa artista galega-arxentina Belém Tajes e o colectivo fotográfico OllO. Paralelamente a estes proxectos, é codirectora artística das Xornadas Etnográficas dá Mariña, un encontro anual itinerante ao redor das músicas de tradición oral celebrado na comarca da Mariña.