Graduada en Ciencia Política e da Administración con especialización en prensa de gabinete e comunicación corporativa pola Universidade Metropolitana de Praga. Certificada en dinamización de comunidades en liña pola UNED e especializada en xestión cultural pola Universitat Oberta de Catalunya e a USC.
Traballadora por conta propia dende 2016, desenvolveu servizos de xestión cultural especializados en comunicación, produción e execución de proxectos para entidades como a Academia Galega do Audiovisual, Uqui.net, En Negro Contra as Violencias, Silabario Gastronomía, Curtocircuíto International Film Festival, Premios María Luz Morales, Camino Escena Norte, Mercartes, Fundación Eugenio Granell, Consello da Cultura Galega, Culturgal, Cidadanía S.Coop Galega, O Globo - Solidariedade Internacional de Galicia, Compostela Ilustrada ou Festival FIC Vía XIV, entre outros. Ademáis colaborou en múltiples proxectos relacionados coa economía social, coordinando a comunicación e a implementación de plans de actuación.
Actualmente é responsable de comunicación e relación con medios en Escena Galega e o AI Song Contest 2023, ao tempo que dirixe a produción de Nova Galega de Danza. Suma forzas traballando en rede dentro das cancelas d’A SEARA.